Suluh Keluarga, Minggu, 5 September 201

KEBERSAMAAN PAKON KRISTUS DO NAPATALUPKON HITA MARPAMBAHENAN NA MADEAR DOMPAK HASOMAN

Dob ai marsahap ma si Petrus, nini ma, “domma tangkas ididah uhurhu, na so sididah bohi Naibata”
Lahoan ni Apostel 10:34

Salah sada identitas bangsa Indonesia aima “Bhineka Tunggal Ika”, na mararti berbeda-beda tapi tetap satu jua. Merhitei pengakuan on, taridah do bahasa bangsanta on mangakui bahasa perbedaan aima sada realitas na lang boiiparnalang hita. Berbeda-beda di tongon hita. Na gabe persoalan, sonaha do na sikap na maningon ipataridahkon hita menanggapi realitas perbedaan on?
Lape magou hombani pardingatta kejadian bani Minggu, 8 Agustus 2010 na salpu i HKBP Pondok Indah Timur Bekasi, aima aksi kekerasan na bernuansa SARA. Terlepas humbani persoalan ise na salah pakon ise na sintong, tapi kenyataan on pataridahkon bahasa lape boi hita bersikap dewasa bani realitas perbedaan na idompakkon hita. Fanatisme na sempit anjaha haporsayaon na eksklusif, on do na ipakei hita mandompakkon keadaan na berbeda ai. Al hasil, konflik, bentrok bahkan kerusuhan pe terjadi ma.
Paima teks renunganta on, ididah hita do kenyataan perbedaan ai marhitei relasi Petrus pakon Kornelius. Petrus aima bangsa Jahudi anjaha si Kornelius aima halak non Jahudi na hun Kaisarea. Tapi perbedaan ai lang gabe tembok na manirang sidea, tarlobih bani horja na madear. Marhiteihon parjumpahan Petrus pakon Kornelius, ipataridahkon Naibata sada sikap na talup bahenonta ibagas na mandompakkon perbedaan. Bani ayat 28 ihatahon: “… domma ipatuduhkon Naibata bangku, na so bulih goranon halak butak atap lang borsih…”. Naibata do na marhorja ibagas Petrus pakon Kornelius. Rap pakon Kristus do relasi ni sidea. Kebersamaan pakon Kristus, ai do langkah awal boi sidea marpambahenan na talup bani halak na legan. Kebersamaan ni pakon naibata do na patalupkon ia mangidah sisi positif bani hasomanni. Aido na mambahen ia lang mendiskreditkon, janah mangahapkon hahurangan ni hasoman sedo hitei laho margijang ni uhur. Kebersamaan Kristus, ai do na patalupkon ia mangarusi aha na pinangindio Naibata hubani jolma ibagas relasini pakon hasomanni.
Sikap na maningon ipataridahkon hita ibagas na menaggapi realitas perbedaan aima sikap na memaknai kebersamaan pakon Kristus. Kebersamaan pakon Kristus taridah marhiteihon ni goluh na gok holong (Mat.22;37-40). Bani Galatia 2:20 ihatahon bahasa halak na manggoluh ibagas kebersamaan pakon Kristus lang be manggoluh ibagas hasaparion, tapi Kristus do na marianan ibagas ia. Janah Apostel Paulus pe manghatahon halak na manggoluh ibagas kebersamaan pakon Kristus, aima na manggoluh ibagas kesempurnaan titah (Rom. 13:8). Kebersamaan pakon Kristus ai taridah ibagas pambahenan na lang mangkorjahon na jahat bani hasoman (Rom. 13:8,10). On ma homa na gabe gaya hidup na ipataridahkon Petrus pakon Kornelius bani hasadaon ni sidea itongah-tongahni perbedaanni. Ase, marhitei renungan on, ipagolpa do hubanta ase totap manggoluh ibagas kebersamaan pakonSi, ase iarusi hita aha pinangindoni hubanta bani relasinta pakon hasoman, tarlobih bani perbedaan. Pambahenan na hinarosuhkonNi do na sihol idahonNi humbani jolma. Sedo asal-usul, status, habayakon, pnl. Halani so sididah bohi Naibata.

Tonggo: Ajari anjaha pargogohi Ham ma au ale Tuhan, ase rap pakon Ham totap goluhkon. Ase huarusi aha na pinangindoMu bani goluhku. Amen


GKPS Resort Sirpang Sigodang