Sibasaon & Ambilan Minggu Invocavit, 17 Februari 2013 (MARTURIA GKPS DISTRIK III)

Sibasaon Minggu Invocavit, 17 Februari 2013

5 Musa 6:10-19

Parlobeini.

Buku 5 Musa aima Buku palimahon humbani Tanakh (Taurat). Bani bahasa i Eropa, buku 5 Musa isobut Deutronomium, na iadopsi humbani bahasa Latin pakon bahasa Yunani Δευτερουόμιου. Bani bahasa Heber buku on isobut Devarim na marati “kata-kata”. Istilah Devarim ibuat humbani kalimat awal bani buku on: "Eleh ha-devarim" na mararti “inilah perkataan-perkataan” (yang diucapkan Musa). Jadi, isi pokok 5 Musa on aima pidato (perkataan-perkataan) Musa hubani bangsa Israel, khususni sanggah marianan bangsa ai i dipar ni Jordan, bani pamah tontang ni Suf, iholang-holang ni Paran, Tofel, Laban, Hazerot pakon Disahab (Lih. 5 Mus. 1:1), anjaha panorangni aima bani ari parlobei bulan pa sampuluhduahon bani tahun terakhir pardalananni sidea hun Masir (5 Mus. 1:3).

Pidato on aima songon sada wejangan laho pasirsirhon diri mamasuki wilayah na dob dokah itadingkon sidea. Mase pala ibahen Musa wejangan ai hubani Israel? Parlobei: Tongon, realitasni Kanaan na sinobutni Bibelta aima tanoh habaoranni dadih pakon manisan ni huramah (5 Mus. 6:3), tapi maningon do homa jujur hita mangidah bahasa paima imasuki sidea huta Kanaan, domma adong ijai bangsa-bangsa Kanaani na lang sahaporsayaon pakon sidea anjaha ai berpotensi mempengaruhi (parsedahon) identitas Israel selaku bangsa pinilihni Naibata. Kanaan adalah peluang sekaligus ancaman bani identitas Israel. Na paduahon: Padanni Naibata bani Israel aima padan na marlaku marribu-ribu sundut (Lih. 5 Mus. 7:9). Jadi panratah-ratahion marhitei wejangan nokkan martujuan laho memotivasi Israel ase totap manggolom padan na dob binulawankon sidea pakon Naibata. Ibagas na sihol pungkahonni Israel babak baru pargoluhanni sidea, iojur do sidea ase totap manggoluh ibagas jalur na dob itotapkon Naibata marhitei padanNi, ase ulang surut idopni uhurni Naibata bani goluhni sidea. 

Hatorangan Teks

Laho mamasuki tanoh Kanaan na mengundang anjaha mengandung tantangan ai, Musa mangontang bangsa Israel laho mempersiapkon diri. Persiapan on martujuan ase sanggah ibagas parjumpahanni (asimilasi pakon sosialisasi) sidea pakon bangsa-bangsa Kanaani na manumbah Baal/animisme, bangsa ai totap boi pataridahkon jati diri na mantab. Lang terpengaruh/salih. Persiapan ai ipungkah Musa marhiteihon na paratahkon konsekwensi perjanjian na dob binulawankon ompungni sidea ronsi na binulawankonni sidea pakon Naibata (5 Mus. 4:31; 5:2-3; 7:9) .

Konsekwensi perjanjian ai, Israel maningon manggoluh ibagas hapansingon (qadosy). Halani ai porlu do adong aturan (mitswah) pakon uhum (misypatim) na gabe pranata pargoluhan (Lih. 5 Mus. 6:1-2). Pandalankonni aturan pakon uhum ijon, sedo bermaksud mambahen beban bani Israel, tapi in ma hataridahan balosni sidea dompak habanggalonni pambahenanni Naibata na dob paluahkon sidea humbani parjabolonnonni Masir. Ase, pandalankonon aturan pakon uhum ibagas malasni uhur (sedo beban) ai do na pinindo ni Naibata ijon (Bdk. Psalm. 119:47). Jadi, pandalankonon ni bangsa ai bani aturan pakon uhum, aima na gabe tanda bahasa sidea aima anakni Naibata. Identitas selaku bangsa pinilihni Naibata boi totap sihat bani Israel pitah ibagas hasirisronni mardalan bani aturanni Naibata.

Parpadanan (covenant) aima idupni uhur (anugerah) sekaligus parentah, janah haduasi mardalan seirama. Ijin irahut padan ai, ijai ma homa maningon mardalan dua sisi parpadanan nongkan. Marhitei parpadanan ai ibere do hubani Israel idopni uhur songon na dob binulawankonni Naibata hubani sidea. Bani konteks perikop on ipatalar marhiteihon na jinalo sidea huta na bolon pakon na dear na so pinungkahni sidea, rumah na gok marisi ugas na so niisini sidea, parigi na hinurak na so hinurakni sidea, sonai age anggur pakon hayu zetun na so sinuanni sidea (5 Mus. 6:10-11). Halani ai gabe keharusan hubani Israel laho manggoluh ibagas uhum pakon aturanni Naibata. Ipagolpa si Musa do bangsa ai ase totap jaga bani aturanni Naibata, ulang lupa sidea (5 Mus. 6:12-13). Lupa mararti do ai mangengkar! Pangengkaran hubani padan mararti do ai pangengkaran hubani idopni uhurni Naibata. Anjaha mararti do homa ai hamateian/ kebinasaan. Bani hata na pondok boi hatahononkon bahasa hasirsironni Israel mandalankon uhum pakon aturanni Naibata, ai do na gabe hagoluhan bani sidea. Sebalikni, pangengkaran mararti hamateian. Hatani Naibata do na gabe bona ni hagoluhan bangsaNi anjaha maningon in ma sitangihononkon.

Agama pakon budaya bangsa-bangsa Kanaan manghaporsayai bahasa Baal pakon dewa-dewa aima sumber hagoluhan (mambere kesuburan pakon kelimpahan). Proses asimilasi pakon sosialisasi na terjadi i Kanaan ra do mangkorhon ha-lupa-on bani aturan ampa uhumni Naibata. Sebagai bangsa na mulak mandasor, tontu buei do kesenjangan na terjadi antara bangsa Kanaani pakon Israel. Kesenjangan cenderung menundang jolma laho berfikir instan, mandalankon cara na so talub, pnl. Ase, ibagas na mandompakhon tantangan on, pidatoni Musa on sihol patotapkon uhurni bangsa ai bani pasu-pasu pakon gogohni padanni Naibata ibagas hatundukonni bani uhum ampa aturan.   

Manangihon ronsi manghagoluhkon uhum pakon aturanni Naibata na ipadas sebagai konsekwensi parpadanan Israel pakon Naibata aima pangajaran pakon petunjuk na manrimpun sura-surani Naibata hubani bangsaNi. Aturan pakon uhum bermuara bani kenyaman ronsi kesejahteraan (syalom). Aturan pakon uhum maningon do niaruson domu hubani maksudni Naibata (syalom) ai. Mangiringkon uhum pakon aturanni Naibata garansini aima syalom. Ai do ase bani ayat 14-15 ipagolpa do bangsa ai ase ulang manlembang hubani naibata na legan (Baal, dewa). Panlembangion mararti mambangun tembok pemisah hubani syalom ai, mararti do homa ai pagajakhon ringisni Naibata, janah lambin dohor hu mateian.

Setia do Naibata bani padanNi (5 Mus. 5:10). Kesetiaanni Naibata bani padan na binulawankonNi domma nyata bani sejarah pargoluhonni Israel. Lang porlu be ilajou atap pe ipertanyahon use (5 Mus. 6:16). Manlajou atap pe mempertanyakan kesetiaanni Naibata mararti sangsi bani kuasa ampa idopni uhurNi. Bani ayat-ayat sebelumni domma ipatugah Musa piga-piga fakta sejarah kesetiaanni Naibata bani padanNi (5 Mus. 6:10-11). Pengungkapan fakta sejarah on bermaksud patotapkon haporsayaonni Israel ase ulang be sangsi bani Jahowa. “Lang be panorangni manungkun konsistensi kesetiaanni Naibata bani padanNi, na tang siporlunan sonari aima pataridahkon konsistensi kesetiaanta bani padan ai”. Ai do ase, gomus ipagolpa si Musa bangsa Israel laho manramotkon padan, aturan pakon titahni Naibata hubani sidea ibagas habujuron (5 Mus. 6:17).

Manramotkon padan, aturan pakon titahni Naibata ibagas habujuron maningon do iterjemahkon bani situasi kongkret, nyata. Titik berangkat penerjemahan ai aima holong dompak Naibata secara total (5 Mus. 6:5). Mase? Halani titik berangkat parpadananni Jahowa dompak Israel pe maronjolan bani holong do. Ambahni ai, pelaksanaan aturan pakon uhumni Naibata na lang maronjolan bani holong pasti mambahen aturan pakon uhum ai gabe aturan na matei, keras, janah gabe gurita aturan na mambahen goluh kaku anjaha suram. Wujudnyata panramotionni padan, aturan pakon titahni Naibata aima goluh na pintor, na madear anjaha marorientasi hu hasonangan (syalom). Pambahenan na sonon aima pambahenan na marpihak bani aturan pakon uhumni Naibata, janah mararti do ai marpihak bani Naibata. Marhiteihonni ai terjadi ma komuni tindakan antara jolma pakon Naibata. Ibagas komuni na sonai ma jolma margogoh mantaluhon ganup munsuh, ancaman na sihol mandorap goluh on (5 Mus. 6:19).  

Poin-poin Renungan Pakon Diskusi

1.       Perikop 5 Musa 6:10-19 on patugahkon bahasa pasu-pasuni Naibata (Kanaan: tanoh habaoranni dadih pakon manisan na huramah) mengandung dua sisi: Peluang pakon tantangan/ ancaman. Peluang do ai bani Israel laho pataridahkon hajongjonganni sidea selaku bangsa na pinilih (istimewa), tapi sekaligus gabe ancaman bani hajongjonganni sidea. Menurut ham, aha do na gabe syarat ase pasu-pasuni Naibata ai boi tetap eksis gabe peluang?

2.       Ipatugah ambilan on hubanta, bahasa panramotion bani uhum pakon aturanni Naibata aido na gabe kunci kesuksesanni Israel (bangsa pinilih). Naha do sikapta mangidah kenyataan bani goluh on bahasa buei do halak na jelas lang manramotkon aturan pakon uhumni Naibata (Mis. KKN) tapi “torsa” do idahon goluhni, sementara dong na “bujur” tapi totap do manaron?

3.       Israel (sonai homa keluarga, pribadi ni halak na porsaya) ipilih laho gabe ‘etalase’ (sitiruon) bani bangsa-bangsa. Buei do kuasa na adong isekitarta na sihol mangagou tujuan on. Pidato Musa bani perikop on martujuan membentuk generasi na totap boi gabe ‘etalase’ marhiteihon mewarisi sikap na manghaholongi Jahowa anjaha manramotkon uhum ampa aturanNi. Naha do hita nuan membentuk generasinta selaku pribadi ronsi keluarga na pinilihni Naibata?

Pdt. Jonedy Chandra Purba

GKPS Resort Kalimantan Timur

Ambilan Minggu Invocavit, 17 Februari 2013

Mateus 4:1-11

Parlobeini

Parlajouan roh mandorap pargoluhanni jolma marhiteihon bagei aspek, bagei panorang ronsi bagei ianan. Tujuanni sonaha ase hatani Naibata lang be marhagogohon. Songan na hinatahonni Marthin Luther: “Ketika Firman Allah yang suci naik, ini selalu banyak ditentang Setan dengan segenap kekuatannya… ia menyerangnya dengan bahasa palsu dan roh-roh penyesat dan para pengajar sesat. Karena ia tidak dapat menghancurkan dengan kekuatan maka kemudian ia mencari cara untuk menekan dengan tipu muslihat dan dusta” (What Luther Says, Concordia Publishing House, edisi 1994, hlm. 395). Parlajouan aima manifestasi kuasa na sihol pamagouhon identitas. Bani Padan Nabasaia, ilajou sibolis do jolma (Adam pakon Hawa) ase lang be tunduk bani kesegambaranni pakon Jahowa. Anjaha bani Buku Mateus, ilajou sibolis in do Jesus ase magou identitasNi selaku Anak Hinaholonganni Naibata. Na takluk bani panlajouan mararti kehilangan identitas ma ia.

Adong do kemiripan alur kisah parlajoan bani buku 1 Musa pakon Buku Mateus. Na parlobei: Bani Buku 1 Musa kisah parlajouan itempatkon dobhonsi barita panompaon rampung. Parlajouan terjadi dobhonsi naibata menegaskon identitasni jolma (1 Mus. 1:26-28). Sealur do on pakon nasinuratkonni Mateus, na manuratkon kisah parlajouanni Jesus dobhonsi pemaparan partubuh pakon penyataan identitasNi marhiteihon pandidion (Mat. 3:3-17). Na paduahon: Bani buku Musa sipanlajou (sibolis) na ipatangkas marhitei profil ulog, manlajou marhiteihon cara na cerdik anjaha ipakei do bagei-bagei trik ampa taktis na jenius. Gaya na sarupa taridah do homa bani buku Mateus. Ilajou sibolis in do Jesus marhitei cara ampa trik na jenius homa (bahkan mamakei hata ni Naibata). Kesejajaran on mengandung pesan khusus. Mateus (sahalak Jahudi), dengan sengaja memanfaatkon struktur 1 Musa on laho patugahkon pesan: Bahasa ibagas Jesus do ipungkah tinompa na baru (Ef. 2:15; 4:24), Ibagas Jesus domma talu sibolis pakon ganup kuasani.

Hatoranganni Teks

Tonduy ni Naibata do na mambobai Jesus hu halimisan, ase ilajou Ia (4:1). Bani zaman Jesus adong ekspektasi bani halak Jahudi bahasa Mesias aima suruhan ni Naibata na martugas mantaluhon kuasa hagolapan. Anjaha halimisan imaknai sebagai ianan ni tonduy hagolapan. Jadi, secara eksplisit panoguonni Tonduyni Naibata hubani Jesus laho hu halimisan martujuan menjawab ekspektasi ai. Artini, harohanni Jesus hu halimisan marhitei panoguonni Tonduy patugahkon fakta bahasa ipungkah ma genderang perang manlawan kuasa tonduy hagolapan anjaha ipertegas do homa bahasa Ia ma Mesias ai.

Bani na mandalankon parporangan manlawan kuasa hagolapan (halimisan), ibobai Tonduy ni Naibata do Jesus, janah mandalankon ritual puasa do Ia. Marpuasa 40 ari 40 borngin pasingatkon hita bani aha na dob binahenni Musa bani Padan Nabasaia, aima hataridahan ketaatan (ketundukan) ampa relasi na intim pakon Naibata (Bdk. 2 Mus. 24:28; 5 Mus. 9:9, 18). Ritual puasa na binahenni Jesus bani perikop on menegashon hasirsironNi manghagoluhkon panogu-noguonni Tonduy ai Bani. Artini, idompakhon Jesus do parporangan ai ibagas panghasomanion ampa pangurupionni Tonduy, sedo maronjolan bani kuasa ampa gogoh kemanusiaanNi.

Secara hajolmaon, puasa 40 ari 40 borngin mambahen loheian Ia (Mat. 4:2). Hal on patugahkon sisi kemanusiawionni Jesus. Selaku jolma, wajar do Ia loheian dobhonsi marpuasa sonai dokahni. Gabe galek ma sisi kemanusiawionNi. Ipakei sibolis do keadaan on laho manlajou aha na dob iproklamirhon Naibata pasalSi sebelumni (Mat. 3:17). Isuruh ma Ia mambahen batu gabe ruti (Mat. 4:3). Parlajouan na parlobei on bermaksud laho manguji prioritas ampa orientasi pargoluhan. Selaku anak hinaholonganni Naibata, aha do na gabe prioritas pakon orientasi goluhNi? Sipanganon atap Hatani Naibata? Material atap spiritual? Jesus mangutip 5 Musa 8:3 laho mambalosi parlajouan ai. Bani 5 Musa 8:3 ipatugah bahasa Naibata menguji bangsaNi 40 tahun dokahni i halimisan anjaha paturutonNi do sidea loheian, tujanni ase bangsa ai menyadari aha do sasintongni prioritas pakon orientasi goluhni sidea. Tongon, porlu do sipanganon tapi lang sipanganon na gabe jaminan pargoluhan. Porlu do mangan, tapi sedo mangan na gabe prioritas pakon orientasi bani pargoluhan on. Marhiteihon kisah 5 Musa 8:3 on Naibata sihol patugahkon bahasa hatundukonni bangsa ai hubani Hatani Jahowa ai do na padaskon sidea hubani hagoluhan. Prioritas hidup berkaitan do pakon orientasi hidup. Anggo Hatani Naibata do na gabe prioritas bani goluh secara otomatis goluhta pe pasti berorientasi bani Kristus (gabe sarupa pakon Naibata). Goluh spiritualta mengontrol goluh jasmaniahta. Lohei mewakili ganup hisap-hisapni daging (nafsu). Janah balosni Jesus on patugahkon banta ase menempatkon hisap-hisapni daging (nafsu) bani ianan na sasintongni (tepat). Jolma sedo jabolon bani hisap-hisapni dagingni, tapi gabe tuan do. Ambahni ai, menempatkon diri gabe tuan bani hisap-hisapni daging berkaitan do ai pakon keyakinanta bani pemeliharaan Allah bani goluh on.

Panlajouan na paduahon aima godaan laho menggeser panggilan pakon sikap hidup. Ihatahon bani ayat 5-6: “Dob ai iarahkon sibolis ai ma Ia hu huta na mapansing ai, ipajongjong ma Ia bani anjung-anjung ni rumah panumbahan ai, anjaha nini ma hu-Bani: Anggo Anak ni Naibata do Ham, lumpathon Ham ma hu toruh, ai tarsurat do: SuruhonNi do malekatNi manatang-natang Ho, ase ulang antuk naheimu bani batu”. Domma sinobut sebelumni bahasa Jesus aima Anak hinaholongani Naibata, na tinoguni TonduyNi, na roh hu dunia on laho pasaudkon sura-suraNi. Isurahon Naibata do ase Mesias na roh ai, roh ibagas rupa juak-juak (Jes. 53:4-12; Flp. 2:7). Panggilan ampa sikap hidup mesias aima menghamba. Ibagas panggilan ampa sikap hidup na menghamba lang adong keangkuhan/ kesombongan. Panlajouanni sibolis on mencoba menggeser panggilan pakon sikap hidup menghamba nokkan ai. Hal on kontradiktif do pakon panggilan ampa sikap goluh na maningon ipataridahkon Jesus. Pangengkaran bani panggilan pakon sikap hidup ai mararti pangengkaran hubani Naibata, merasa mampu hidup tanpa Allah. Sombong/ angkuh! Keangkuhan adalah ibu dari segala dosa. Laho menangkal panlajouan on, ihatahon Jesus do: Seng bulih lajouonmu Tuhan Naibatamu (Mat. 4:7). Goluh na mangengkari panggilan (sombong, angkuh) cenderung mambahen hita salah menilai diri sendiri. Merasa mampu hidup tanpa Tuhan, janah lang be manghaporluhon Naibata bani goluh on. Bani konteks na sonon ma ipasingat hita marhitei balosni Jesus: Seng bulih lajouonmu Tuhan Naibatamu! Ai ma sikap hidup na menganggap diri dos pakon Naibata. Panggilan ampa sikap hidup na menghamba cenderung mengakui bahasa: tanpa Tuhan saya bukan apa-apa! Tuhan adalah segalanya!

Talu bani panlajouan na paduahon, roh use sibolis melanjuthon panlajouanni na patoluhon. “Iulakkon sibolis ai ma mamboansi hubani pakpak ni dolog na gijang tumang, anjaha ipatuduhkon ma hu-Bani haganup harajaon na i dunia on ampa hasangaponni. Jadi nini ma hu-Bani: Haganupan in hubere pe Bamu, asal ma ra Ham marsombah hubangku” (Mat. 4:8-9). Ijon sihol do sibolis menggeser pengabdian. Berehononni sibolis do harajaon ampa hasangaponni dunia on asal ra Jesus menundalhon Naibata anjaha mengabdi hubani. Kontras pakon hadirionni Jesus na gabe juak-juakni Naibata, na maningon manombah anjaha takluk bani Naibata. Ibalosi Jesus do panlajouan ai marhitei balos: Tuhan Naibatamu do sisombahonmu, sahalaksi do sibalosanmu (Mat. 4:10). Marhitei balos on, itegashon Jesus do bahasa pitah Naibata do sibalosan bani goluh on. Nilai pengabdian jauh melebihi harta pakon kekuasaan. Pengabdian bani Naibata ai do na pagoluhkon. “Ai aha ma gunani bani jolma, age ganup dunia on bani, anggo magou do tonduyni?” (Mat. 16:26).

Martin Luther ongga manghatahon, “Aku tidak dapat mencegah burung terbang di atas kepalaku, tetapi aku dapat mencegahnya supaya tidak bersarang di kepalaku.” Luther manggambarhon bahasa parlajouan sai adong do isekitarta, seng tarolati hita, tapi boi do hita mencengah anjaha marjaga-jaga ase parlajouan ai lang gabe manrajai goluhta. Bani teks on ipataridahkon Jesus do sonaha cara berjaga-jaga anjaha mantaluhon kuasa parlajouan ai. Ipakei Jesus do hagogohonni Hatani Naibata bani haganupan balosNi bani parlajouan na binahenni sibolis. Ijon taridah do hagogohanni Hatani Naibata. Hatani Naibata do na gabe kekuatan laho menghadapi haganup kuasani dunia on na sihol manlajou hita.

Pokok-pokok Renungan Pakon diskusi

1.       Ilajou sibolis do Jesus marhiteihon bagei bentuk pakon cara. Naha do menurut hita bentuk pakon carani sibolis manlajou hita nuan on?

2.       Ganup na itawarhon sibolis hubani Jesus (ruti, habayakon, hasangapon) aima na gati isurahon jolma bani goluh on. Tarlobih bani filosofi Batak 3H (hamoraon, hagabeon, hasangapon). Sonaha do hita mambedahon na ija do parlajouan anjaha na ija do pasu-pasu?

3.       Naha do pengalamanmu pasal hagogohanni Hatani Naibata na gabe sinjata mantaluhon parlajouan?

Pdt. Jonedy Chandra Purba

GKPS Resort Kalimantan Timur